رساله صارمه لأهل الحنيك الملتوي

بسم الله الرحمن الرحيم
أخواني/خواتي الكرام
اسمحو لي أن أقدم هذه القصيده المتواضعه هديه لكل رشيديه شامخه شموخ الجبال .عريبة الرجال.
لبست ثوب الشرف. وتقلدت وشاح الفخر رشيدية المجنا وعبسية
الأصل.
وقمة الفخر والأعتزاز ولبست تاج الوقار على راسها
فأقول أفخري يامن عبس ساسها وبني رشيد أهلها وناسها..

و هذه رساله صارمة اللهجه موجّهه لأهل الحنيك الملتوي والعقول الفاسده.أقول لهم.

أهل الحنيك الملتوي

يالله يامرسل مع الحق جبريل=يامبصر ٍ عبدك وسامع كلامه
ادعيك في فرض الصلاه ونوافيل=وجهي سجد لك ياعظيم ٍ مقامه
الحق مثل النور ماهو كما الليل=النور لامن بان يجلي ظلامه
والدرب واضح مايبيله درابيل=من يسلكه يسلك طريق السلامه
واللي يبى عوج الدروب وتحاويل=يصدم جبل وإلاّ يطيح بركامه
هذا الكلام اللي كما نور قنديل=فرايد ٍ فيها حكم وإستقامه
رسالة ٍ للي علومه تهاويل=راع الحنيك الملتوي في كلامه
أعوج حنك وأعوج حكي بالتفاصيل=راع العواجه عوجته من عظامه
لكن انا بعطيه درس ٍ وتحليل=أن كان له عقل ٍ وفكر وفهامه
يالجاهل اللي ماكسبت المحاصيل=مكسبك عار إلى نهار القيامه
أسمع كلام البنت بنت الرياجيل= اللي تعلوا للشموخ وسنامه
انارشيديه عريبة حلاحيل=تاج الشرف من فوق راسي علامه
انا رشيديه كما الجدي وسهيل=متعليّه فوق السحاب وغمامه
انا رشيديه كما شرد الخيل=خيل الآصاله والشرف والشهامه
طهارة الماء من صدوق المخاييل=اموت عز ولا تمس الكرامه
تاريخ ربعي يدرسه جيل من جيل =بالعز مرفوع ٍ على كل هامه
فينا الشجاعه بالرخا والغرابيل=والطيب معنا محزمه مع وسامه
أهل الكرم ذباحة الحشو والحيل=الضيف نعرف واجبه واحترامه
خوينا والجارله قدر بالحيل=محشوم معنا ماتجيه الندامه
غيث الكرم سحب المطر والهماليل=رجالنا اصله خواله عمامه
حنا حمول الخيل ونعدل الميل=فرسان نحمي دارنا والجهامه
من عبس ساس العز قدر ٍ وتبجيل=عبس الفخرفوق الشموخ وسنامه
أسمع كلامي جاك يابارد الحيل=ترى الجمل دايم يقوده خزامه
ماحسب حساب مكثرين الأقاويل=اللي بعرض الناس تاكل حرامه
الساقطين من البشر والمهابيل=أهل الردى والمهزله والرخامه
الحاقدين الفاسدين الأراذيل=أهل الحنيك الملتوي والنمامه
شالو وحطو بالكذب والأباطيل=الكذب ديدنهم علامه وشامه
يارب عاقبهم كما صاحب الفيل=وارسل عليهم سلطة ٍ مستدامه
وزلزل قدمهم بالغضب والزلازيل=وأخفسم بهم بالأرض تسعين قامه
تمت بذكر الله حمداً وتهليل=إعداد من حج وتوشّح احرامه

بنت الآصائل

بنت الآصائل
يسعدني أن أكون أول من صافح هذه الرائعة كا روعتك..
صح السانك وعتلا شانك..
وتقبلي مروري المتواضع..

بنت الاصايل
كم انتي مفخرة الكل عبسي وعبسية
وكلام كبير من شاعرة متمكنة
وكلامات تثلج الصدر
وصح السانك وعتلا شانك
وتقبل تحيات
الموج الازرق

فعلا ما يصح الا الصحيح
لاهل الحنيك الملتوي
صح لسانك يابنت الاصائل
قصيده في صميم القلب
فى اسلوبها الجميل
وتصل لفهم القاريء مباشره
لاكن الجبل يبقى جبل ما يهـزه صفـق ريـح
ودمتي ودام هذه الابداع المميز

ويبقى الأصيل،أصيل
يابنت الاصائل،،صح السانك
ونص يدل على مقدرتك الشعرية الفائقة
الحقيقة اتحفتينا بهذا النص مع
ان الشهادة فيه مجروحة
ابدعتي لله درك شاعره
بكل ماتحمله الكلمة من معنى
نتمنى جديدك يابنت الاصائل
تقديري

بنت الاصائل

صح لسانك

وعتلا شانك

قصيده بقمة الروعه والجزاله

وتقبلي


تحياااااتي

الله
الله
الله عليج اختي بنت الآصايل
صح لسانج ولاهنتي ع القصيدة ..
رائعه بمعنى الكلمه ..

بنت الأصايل صح السانك واعتلا شانك قصيدة من العيار
الثقيل كل بيت منها درة قصيدة تحفة تنبي عن شعر غزير
ومعاني سامية وهادفه حبك رصين ومد جزيل قصيدة
تستحق الوقوف لها تعظيماً وتبجيلاً
صح السانك مرة بعد مرة وإلى ما لا نهاية
ولك مني أزكى تحية واحترام

صالح السبيل
صح بدنك مشكور على كلامك الطيّب
وتواتجدك ومرورك الرائع
الله لايهينك

الموج الأزرق
صح بدنك مشكور على كلامك الطيّب
وتواتجدك ومرورك الرائع
الله لايهينك